Tuesday, September 29, 2009
at
10:14 PM
|
0
comments
భారతీయ జనతాపార్టీ అగ్రనేత, దేశ మాజీ ప్రధాని అటల్‌ బిహారీ వాజ్‌పేయి అనారోగ్య కారణాలతో రిటైర్మెంట్ దశకు చేరుకున్నా కూడా ఆయనను పార్టీ వదలడం లేదు. అక్టోబర్ నెలలో మహారాష్ట్ర అసెంబ్లీ ఎన్నికలు జరుగనున్న నేపథ్యంలో ఆయనచేత ప్రచారం చేయించేందుకు ఉత్సుకత చూపిస్తోంది. అక్టోబర్‌‍లో జరుగనున్న మహారాష్ట్ర అసెంబ్లీ ఎన్నికలలో బీజేపీ తరపును ప్రచారం చేయనున్న 40 మంది ప్రముఖుల జాబితాలో వాజ్‌పేయి పేరును కూడా చేర్చింది. పార్టీ ఎన్నికల కమిషన్‌కు సమర్పించిన ఈ జాబితాలో ఎల్‌.కె. అద్వానీ, రాజ్‌నాథ్ సింగ్‌, మురళీ మనోహర్‌ జోషి, అరుణ్‌ జైట్లీ, సుష్మాస్వరాజ్‌లతో పాటు వాజ్‌పేయి పేరు కూడా చేర్చింది. ఇదిలావుండగా ఇటీవల ఏఐసీసీ ప్రధానకార్యదర్శి రాహుల్‌ గాంధీని ప్రశంసించడం ద్వారా పార్టీలో కలకలం రేపిన బాలీవుడ్ నటుడు, లోక్‌సభ సభ్యుడు,శత్రుఘ్న సిన్హాల పేరు ప్రచారకుల జాబితాలో ఉండడం గమనార్హం. అలాగే కేంద్ర స్థాయిలో ఉన్న రాష్ట్ర నాయకులు గోపీనాధ్‌ ముండే, ప్రకాష్‌ జావెద్కర్‌లు ప్రచారంలో పాల్గొంటారని ఆ పార్టీ వర్గాలు వెల్లడించాయి
Posted by
Hollywood Actors
