Thursday, July 9, 2009
at
8:36 AM
|
భారత టెన్నిస్ సంచలనం సానియా మీర్జాను ప్రేమిస్తున్నాను, పెళ్ళి చేసుకుంటానంటూ ఓ సివిల్ ఇంజనీరింగ్ విద్యార్థి హల్ చల్ చేసి అరెస్టయి 24 గంటలు గడవక ముందే మరో యువకుడు అదే రీతిలో పోలీసుల అదుపులోకి వెళ్ళాడు. బంజారాహిల్స్ లోని సానియా నివాసం వద్ద గురువారం మరో యువకుడు హడావుడి చేశాడు. సానియాను ఐదేళ్ళుగా ప్రేమిస్తున్నానంటూ, ఆమె తనతో మాట్లాడకపోతే ఇక్కడి నుంచి కదిలేది లేదంటూ ధర్నాకు దిగాడు. అది కూడా సానియా మీర్జా వివాహ నిశ్చయ కార్యక్రమం మరొక్క రోజు ఉందనగా ఆ యువకుడు హడావుడి చేయడం సంచలనం కలిగించింది. ఉత్తర ప్రదేశ్ కు చెందిన అజయ్ సింగ్ యాదవ్ అనే యువకుడు గురువారం ఉదయాన్నే సానియా మీర్జా ఇంటికి వద్దకు చేరుకున్నాడు. లక్నోలోని ద్రోణాచార్య ఇంజనీరింగ్ కళాశాలలో విద్యాభ్యాసం చేస్తున్నట్లు గుర్తింపు కార్డు కూడా అజయ్ సింగ్ వద్ద పోలీసులకు లభ్యమైంది. ఆమెను తాను ఐదేళ్ళుగా ప్రేమిస్తున్నట్లు, ఆమెతో మాట్లాడాలని ఇంటి ముందు బిచాణా వేశాడు. అయితే, సానియా తండ్రి ఇమ్రాన్ మీర్జా ఫిర్యాదుతో యాదవ్ సింగ్ ను కూడా బంజారాహిల్స్ పోలీసులు అరెస్ట్ చేసి పోలీస్ స్టేషన్ కు తరలించారు. సానియాకు వివాహ నిశ్చయం జరగబోతున్నదంటూ మీడియా వార్తలు వచ్చినప్పటి నుంచీ ఆమెకు సెల్ ఫోన్ లో ఎస్ ఎం ఎస్ వేధింపులు అధికం అయ్యాయి. ఈ నేపథ్యంలో ఇమ్రాన్ మీర్జా బంజారాహిల్స్ పోలీస్ స్టేషన్ లో ఫిర్యాదు చేశారు. దీనితో పోలీసులు సానియా నివాసం వద్ద పికెట్ ఏర్పాటు చేశారు. రోజుకో కుర్రాడు సానియా ఇంటి వద్ద ఇలా లొల్లి చేస్తుండడం, శుక్రవారంనాడు ఆమెకు నిశ్చితార్థం జరగనున్న నేపథ్యంలో ఎలాంటి అవాంఛనీయ సంఘటనలకు అవకాశం లేకుండా పోలీసులు భారీ భద్రతను ఏర్పాటు చేశారు. పెద్ద సంఖ్యలో పోలీసులు ప్రస్తుతం సానియా నివాసం వద్ద మొహరించి ఉన్నారు. మరో పక్కన సానియా నిశ్చితార్థం పనులను కుటుంబ సభ్యులు వేగవంతం చేశారు. కాగా, హైదరాబాద్ కు చెందిన ఓ ప్రముఖ వాణిజ్యవేత్త కుమారుడు మహ్మద్ సోరబ్ మీర్జాతో సానియా వివాహన నిశ్చితార్థం శుక్రవారం జరగనున్న నేపథ్యంలో ఇలా అకతాయిలు ఆమెను ప్రేమించామంటూ, తమకిచ్చి పెళ్ళి చేయాలంటూ ఆమె ఇంటి వద్దే అలజడి సృష్టించడం సంచలనంగా మారింది. మంగళవారం అర్ధరాత్రి మొహమ్మద్ అష్రఫ్ (28) ఇలాగే గలాటా చేసి, ఇమ్రాన్ మీర్జాతో వాగ్వాదానికి దిగి రిమాండ్ అయ్యాడు.
Posted by
Hollywood Actors
0 comments:
Post a Comment